Barish Shayari

Yaadein jaag jati hain,
Barishon ke mausam mein.

Har ghari satati hain
Barishon ke mausam mein.

Shaam bhi kisi surat,
Chain se nahin kat-ti

Subahein bhi satati hain
Barishon ke mausam mein.

Zehen ke jharokhe mein
Jab koi sada ubhre.

Aankhein bheeg jati hain
Barishon ke mausam mein.

Gham ki barish ne bhi tere gham ko dhoya nahi,
Tu ne mujh ko kho dia maine tujhe khoya nahi.

Nend ka halka gulabi sa khumar ankhon mein tha,
Yun laga jaise woh shab der tak soya nahiiii

Janta hoon ek isi shakhs ko main bhi faraz,
Gham se patthar ho gaya magar roya nahi.

Barishon ka mausam hai,
Rooh ki fizaaon mein.
Ghamzada hawaaein hain,
Be-sabab udaasi hai.

Is ajeeb mausam mein,
Be-qarar raaton ki,
Be-shumar baatein hain,
Un-ginat fasane hain,
Jo bohat khamoshi se,
Dil pe sehte phirte hain,
Aur ba-amer-e majboori,
Sub se kehte phirte hain,
Aaj mausam achcha hai,
Aaj hum bohat khush hain.

Barsaat mein jab
Barish hoti thi
Hum park mein baitha karte the
Barish mein bheega karte the.

Aur Aaj

Waisa hi barsaat ka din hai
Park ke bench pe
Tanha baitha bheeg raha hoon
Jin mein hum tum sang bheege the
Un lamhon ko soch raha raha hoon.

Kisi din tez barish mein
Agar tum bheeg jao to
Agar barish ke ye qatre
Tumhari zulf ko chhu kar
Tumhare gaalon ko chumein
Agar barish ke pani se
Agar thandi hawaon se
Kisi purzor jhonke se
Meri jan jhoom jao to
Mujhe tum yaad kar lena

Agar khwahish ho aise mein
Koi sathi ho bahon mein
Jo chhere zulf ko teri
Tere rukhsar ko choome
Tu jhoome us ki bahon mein
Teri bahon mein wo jhoome
Mujhe tum yaad kar lena......

Ajeeb mausam hai barishon ka
Ke jis mein jazbe sulag rahe hain.

Dhuaan dhuaan hain ye bheegi aankhein,
Jigar ke chhaale bhi tap rahe hain.

Jale huon ko jala raha hai,
Ajeeb mausam hai barishon ka.

Payaam koi, slaam koi,
Gulaab koi na khwaab koi.

Tumhari jaanib se pehle paaya hai kab tha
main ne koi bhi jazba.

To kyon ye khahish jaga raha hai,
Ajeeb mausam hai barishon ka.

Ke jo dil ki dharti ke rang saare,
Mita raha hai, sata raha hai,

Ajeeb mausam hai barishon ka.

Jab bin badal barsat ke, hum tum behga karte the
Jab chotee chotee batoon per, hum tum rutha karte the.

Jab hathon mein hath daal kar, hum tum kehla karte the,
Jab ankhon se ankhein mila kar, hum tum batein karte the.

Jab iss duniya ko bhula kar, hum tum apnee duniya mein rehte the,
Jab kadmon se kadam mila kar, hum tum rahon par chalte the.

Jab ankhon ke nami chupa kar, hum tum aahein barhte the,
Tab se tum ko chahte hain. .tab se tum ko chahte hain.

Kabhi hum bheegate hain chahaton ki tej baarish mein...
Kabhi barson nahin milte kisi halki se ek ranjish mein...

Tumhi mein dewtaon ki khushboo nahin thi warna...
Kami koi nahin thi mere andaaz-e-parastish mein...

Ye pehle soch lo phir aur bhi tanha na hojana...
Use chhoone ki khuwahish mein use paane ki koshish mein...

Buhat se zakham hain dil mein magar ek zakham aisa hai...
Jo jal uthta hai raaton mein jo lau deta hai baarish mein...